Natura Inguruneko gidari lanak eta aisialdia
Titulazio ofizial honekin honako hauek ikasiko dituzu:
Natur ingurunean ibilbideak antolatzen eta taldeak gidatzen (mendia, elurtutako guneak, ur-eremuak eta aisialdiko eta abenturako instalazioetan), oinez, sokekin egindako ekintzak, bizikletaz, ontzietan naiz zaldiz ibili, eta aisialdiko jarduerak dinamizatzen, hori guztia parte-hartzaileei egokituz, ingurumena errespetatuz eta kalitatea eta segurtasuna bermatuz.
- Natura-ingurunetan taldeekin egiteko kirol-jarduera fisiko gidatuak diseinatzea, eta parte-hartzaileen ezaugarriak, egindako aurrerapena eta jarduera egingo den ingurua balioestea.
- Natura-ingurunetan taldeekin egiteko kirol-jarduera fisiko gidatuak antolatzea, eta jarduerak egiteko beharrezkoak diren izapideak egitea eta baliabideak ziurtatzea.
- Jarduera egiteko beharrezkoak diren materialen eta ekipoen mantentze-lanak egitea, teknika egokienak erabilita eta ezarrita dauden protokoloei jarraituta.
- Kultura- eta aisialdiko jarduerak dinamizatzea eta partaideak parte hartzera animatzea, eta horretarako, parte-hartzaileen ezaugarrietara egokitzea eta segurtasun eta arriskuen prebentzioko oinarrizko neurriak betetzea.
- Taldeak behe- eta erdi-mailako mendietako ibilbideetan barrena gidatzea, jardueraren dinamikara eta partaide-taldearen dinamikara egokituta.
- Taldeak zailtasun txikiko haitzulo eta erreka-zuloetan barrena gidatzea, beharrezkoak diren aurreratze- eta segurtasun-teknikak erabilita.
- Taldeak bizikleta-ibilbideetan barrena gidatzea, jardueraren eta partaide-taldearen dinamikara egokituta.
- Taldeak zaldi-ibilbideetan barrena gidatzea, jardueraren eta partaide-taldearen dinamikara egokituta.
- Uretan ibiltzen jakitea eta igeriketa-estiloak menderatzea.
- Taldeak idatzagiria izatetik salbuetsita dauden aisiako ontzietan ur-ingurune naturaletan barrena gidatzea, jardueraren eta partaide-taldearen dinamikara egokituta.
- Erabiltzaileak aisiako eta abenturako instalazioetan barrena gidatzea, eta segurtasun-baldintzen berri ematea, jarduerak nola egiten dituzten kontrolatzea eta izan daitezkeen gertakizunak konpontzea.
- Taldeen ostatu-gaua eta natura-inguruneko jarraipena antolatzea, partaideen eta jardueraren ezaugarriak kontuan hartuta, eta segurtasuna bermatzea.
- Inguruneak edo pertsonek eragin ditzakeen arrisku-egoerei aurre egiteko behar diren segurtasun-neurriak zehaztea eta hartzea, jarduera egin dadin.
- Jarduera egiten ari diren bitartean istripuak izaten dituzten partaideei oinarrizko arreta eskaintzea.
- Larrialdi-egoeretan taldea zuzentzea, segurtasun-neurriak koordinatuz edo lurreko edo uretako salbamendu-lanak eginez, eta, horretarako, erreskate- eta ebakuazio-teknikak aplikatzea eta egoera jakin horretarako egokienak diren baliabideak eta metodoak erabiltzea.
HARROBIAk daukan balio erantsiak:
- Ziklo honekin edozein goi-mailako ziklo bat egin dezakezu.
- Bilbo Handian ziklo hau euskara hutsez ematen duen ikastetxe bakarrean ikasiko duzu.
- ETHAZI metodologia jarraituz erronkak gaindituz ikasiko duzu.
- Ikasten duzun bitartean lan egiteko aukera izango duzu (Ikas-ekinezko erregimeneko LH duala).
- LPK-Praktikak atzerrian egiteko aukera duzu (ERASMUS +).
- EGA/HABE ikastaroak egiteko aukera duzu.
- Ingeleraz komunikatzeko gaitasuna hobetzeko aukera duzu.
- Banakako tutoretza eta orientazioa jasoko duzu.
- Zure enpresa sortzeko aholkularitza jasoko duzu (URRATS BAT).
- Ikasketak bukatzean ikastolako lan poltsan izena emateko aukera duzu.
FAMILIA: Natur Inguruneko gidari lanak eta aisialdia
IRAUPENA: 2000 ordu
ESKAINTZA MOTA: Osoa
ORDUTEGIA: –
1. MAILA
Lanbide moduluak:
1325. Ekitazio-teknikak
1327. Zaldi-ibilbideetako gida
1328. Taldeei arreta ematea.
1329. Ibilbideak antolatzea
1333. Behe eta erdi mailako mendietako gidaritza
1334 . Bizikleta-gidaritza
1335. Aisialdiko teknikak
1336. Igeriketa-teknikak
E100. Ingeles teknikoa
2. MAILA
Lanbide moduluak:
1337. Sorospena natura-ingurunean
1338. Uretako gidaritza natura-inguruneetan.
1339. Maniobrak sokekin.
1340. Laneko prestakuntza eta orientabidea.
1341. Enpresa eta ekimen sortzailea.
1342. Lantokiko prestakuntza (LPK-praktikak).
Ikusi tituluari lotutako informazio guztia.
Titulua eskuratu ondoren honako bi aukera hauek dauzkazu:
Nire ikasketak amaitzean, zer egin dezaket?
Honako lanbide hauetako bat izan dezakezu:
• Zaldi-ibilbideak diseinatzea gehienez ere erdi-mailako mendietaraino eta bizikleta-ibilbideak diseinatzea gehienez ere erdi-mailako mendietaraino.
• Natura-ingurunetan, gorputz-, kirol- eta jolas-jarduera gidatuak diseinatzea eta antolatzea.
• Bizikletaz egiteko ibilbide eta ekitaldietako eta zaldi-ibilbide eta -ekitaldietako prebentzioko eta segurtasuneko arduraduna.
• Behe- eta erdi-mendiko mendi-ibilietako jardueretako gidaritza, behe- eta erdi-mendiko zeharkaldia, eta nordiko motako ibilbide elurtuak elur-erraketekin.
• Zailtasun gutxiko erreka-zuloetako gidaritza.
• Zailtasun gutxiko espeleologiako gidaritza.
• Mendiko bizikletaz egiteko ibilbideetan zeharreko gidaritza.
• Zikloturismoko ibilbideetan zeharreko gidaritza.
• Zaldiz egiteko ibilbideetako gidaritza.
• Idatzagiria izatetik salbuetsita dauden aisiako ontzietan uretan barrena egiteko ibilbideen gidaritza.
• Kanpamentuetako, gazte-aterpeetako, udalekuetako, baserri-eskoletako eta natura-gela eta -eskoletako begiralea.
• Eskola-eremuko jardueretako begiralea.
• Aisia- eta abentura-instalazioetako begiralea.
• Soroslea.
Honako ikasketa hauekin jarrai dezakezu:
• Lanbide-espezializazioko ikastaroekin.
• Goi-mailako lanbide-heziketako beste ziklo batekin, indarrean dagoen araudiaren araberako lanbide-moduluen arteko baliozkotzeak ezarrita.
• Unibertsitate-ikasketekin, indarrean dagoen araudiaren araberako baliozkotzeak ezarrita.
Zer-nolako lan-irtenbideak izango ditut?
Titulua eskuratuko duten pertsonek eremu hauetan egingo dute lan: naturan egiten diren kirol- eta jolas-jardueretan, eta turismo aktiboaren, kirol- edo abentura-turismoaren alorretan, aisiako eta abenturako instalazioetan, bai eta aisialdiko gizarte- eta hezkuntza-jardueretan ere, jarduera horiek antolatzen, garatzen, dinamizatzen eta horien jarraipena eta ebaluazioa egiten, eta ur-ingurune naturaletan prebentzio-, zaintza- eta erreskate-lanak egiten. Alor hauetan ere egin dezakete lan: uretan esku hartzeko unitateetan eta erreskate- eta sorospen-taldeetan.
A. Bete beharreko baldintzak:
- DBHko laugarren maila gaindituta izatea
- Erdi mailako sarbide-proba gaindituta izatea
- Teknikari tituluren bat izatea; hala nola, LH1 teknikari laguntzailea, BBBko 2. Maila, REM edo baliokiderik
B. Aurrematrikula egiteko eraman behar den dokumentazioa:
- NANaren originala eta 2 fotokopia
- Espediente akademikoaren 2 fotokopia (IKASGUNEko plataformatik ateratakoa), DBH, Erdi maila, Erdi Mailako Sarbide Froga agiriaren originala eta 2 fotokopia edo sarbiderako erabiliko den espediente baliokidea.
C. Nola egiten da aurrematrikula:
- Ekainaren hasierako hiru astetan zehar egingo da.
- Aurrematrikula on-line (IKASGUNEA plataformatik edo modu presentzialean (hitzordua hartuta) egin daiteke.
- On-line eginez gero, plataforman bertan igoko da NANa eta espediente akademikoa.
- Modu presentzialean eginez gero, zentro bakar batean egingo da. Lehenengo aukera gisa hautatutako zentroan egingo da.
- Aurrematrikulan nahi beste aukera jarri daitezke, lehentasuna kontuan izanda.
*** Aurrematrikula egitean espediente akademiko ofiziala edo sarrera-proba gainditu izanaren agiria entregatu ez baduzu, ekaina amaitu baino lehen aurkeztu dezakezu, baina aurematrikula eginda eta NANa aurkeztuta izan behar duzu plazen esleipenaren prosezuan sartzeko.
D. Lanbide Heziketako erdi mailako zikloetarako onartuen zerrendan agertzeko irizpideak:
- Aurrematrikula egitea: aurrematrikula egin duten ikasleek lehentasuna izango dute egin ez dutenen aldean.
- Espedientearen batez besteko nota edo Sarbide Frogako nota.
E. Prezioak (2020-2021):
- Matrikularen kostea 160 eurokoa izango da.
- 190 euroko 10 kuota ordainduko dira lehenengo urtean eta beste 10 kuota bigarren urtean iraila eta ekaina bitartean.
