Marketina eta publizitatea
Titulu honen konpetentzia orokorra honetan datza: merkataritza-azterketetan oinarritutako marketin-politikak definitzea eta haien jarraipena egitea, eta produktuen eta/edo zerbitzuen sustapena eta publizitatea komunikabide eta komunikazio-euskarri egokietan egitea, horretarako beharrezkoak diren publizitate- eta sustapen-materialak landuta.
Titulazio ofizial honekin honako lan hauetarako gauza izango zara:
- Community Manager
- Publizitate agentzietan langile
- Komunikazio-teknikaria
- Merkatua eta iritzi publikoa aztertzeko teknikaria
- Ekitaldien antolatzailea
- Marketina eta publizitate teknikaria erakundeetan
- Harreman publikoetako teknikaria
HARROBIAk daukan balio erantsiak:
- Bilbo Handian ziklo hau euskara hutsez ematen duen ikastetxe bakarrean ikasiko duzu.
- ETHAZI metodologia jarraituz erronkak gaindituz ikasiko duzu.
- Ikasten duzun bitartean lan egiteko aukera izango duzu (Ikas-ekinezko erregimeneko LH duala).
- LPK-Praktikak atzerrian egiteko aukera duzu (ERASMUS +).
- EGA/HABE ikastaroak egiteko aukera duzu.
- Ingeleraz komunikatzeko gaitasuna hobetzeko aukera duzu.
- Banakako tutoretza eta orientazioa jasoko duzu.
- Zure enpresa sortzeko aholkularitza jasoko duzu (URRATS BAT).
- Ikasketak bukatzean ikastolako lan poltsan izena emateko aukera duzu.
FAMILIA: Merkataritza eta Marketina
IRAUPENA: 2000 ordu
ESKAINTZA MOTA: Osoa
ORDUTEGIA: 8:00 – 14:30 (atsedenaldia 11:00etatik 11:30etara)
1. MAILA
Lanbide moduluak:
0623. Enpresaren kudeaketa ekonomikoa eta finantzarioa (198 ordu)
0930. Marketin-politikak (198 ordu)
0931. Marketin digitala (198 ordu)
1010. Merkataritza-ikerketa (132 ordu)
0179. Ingelesa (165 ordu)
1014. Laneko prestakuntza eta orientabidea (99 ordu)
2. MAILA
Lanbide moduluak:
1007. Komunikazio-materiala diseinatzea eta lantzea (140 ordu)
1008. Komunikabideak eta komunikazio-euskarriak (80 ordu)
1009. Harreman publikoak eta marketin-ekitaldien antolamendua (100 ordu)
1011. Merkataritza-ikerketako landa-lana (80 ordu)
1109. Produktuak eta zerbitzuak merkaturatzea (100 ordu)
1110. Bezeroarentzako, kontsumitzailearentzako eta erabiltzailearentzako arreta (100 ordu)
1012. Marketineko eta publizitateko proiektua (50 ordu)
1013. Lantokiko prestakuntza (360 ordu)
Ikusi tituluari lotutako informazio guztia.
Tituluaren ostean hiru aukera dauzkazu:
1. Lanean hastea
Lanean hasi nahi duenak, sektorea gustoko badu eta bi urteetan zehar formazio-ibilbide egokia izan badu, azkar sartu ohi da lan-merkatuan besteren konturako lan eginez, freelance gisa edo norberaren enpresa sortuz.
2. Trebatzen jarraitzea
- Unibertsitateko ikasketetara sartzea:
- Unibertsitatera zuzenean sartzea, selektibitaterik gabe eta edozein gradutan.
- Eskaintza eskaria baino handiagoa bada, sartzeko nota bat ezarriko da. Horretarako, zikloko batez besteko notari unibertsitatera sartzeko probetan ateratako nota gehituko zaio.
- Orotara, gehienez, 14 puntu erdietsi ahal izango dira; 10 zikloko batez bestekoari dagozkio eta 4 proba espezifikoetan ateratako 2 nota onenei dagozkie.
- Beste heziketa ziklo batetara sartzea:
- Unibertsitatera joateko interesik izan ezean, egindako zikloa beste arlo batzuetako zikloekin osatzen da. Adibidez, 3D Animazioak, Jokoak eta Ingurune Elkarreragileak.
- Ikusi heziketa zikloen zerrenda osoa.
- Profesionaltasun-ziurtagiriak:
- “Merkataritza eta Marketina” edota “Administrazio eta Kudeaketa” familietan.
- Ikusi profesionaltasun-ziurtagirien zerrenda osoa.
3. Lana eta formazioa uztartzea
Ikasten jarraitzen duten askok eta askok lan egin ohi dute lanaldi partzialean.
LPK–Praktiketan ondorengo enpresen laguntza izatea espero dugu:
A. Bete beharreko baldintzak:
- Batxilergoko bigarren ikasturtea gainditurik izatea.
- Goi-teknikariaren titulua, LHIIko teknikari espezialistaren titulua edo akademikoki parekoa den beste tituluren bat izatea.
- Unibertsitate-titulua edo pareko bat izatea.
- 25 urtetik gorakoentzako unibertsitatera sartzeko proba gainditu izana.
- Goi mailako zikloetan sartzeko sarbide-probak gainditu izana.
B. Lanbide Heziketako goi mailako zikloetarako onartuen zerrendan agertzeko irizpideak. Aurrematrikula betetako ikasleekin zerrenda bat osatuko da onartutako eskabideekin; ondoren, matrikula egin ahal izango dute ikaslegai horiek. Onartuen zerrendan agertzeko irizpideak honako hauek dira:
- Aurrematrikula egitea: ezinbestekoa onartuta izateko.
- Espedientearen batez besteko nota: atal honetan aintzat hartuko dira batxilergoko 1. eta 2. mailan lortutako notaren batez bestekoa eta lehentasuna izango dute Giza eta Gizarte Zientziatako Batxilergotik datozen ikasleak.
C. Nola egiten da aurrematrikula: Aurrematrikula zentro bakar batean egin behar da. Bertara joanda hiru aukera adierazi beharko ditu ikaslegaiak, bere lehentasunen arabera. Lehenengo aukera gisa hautatutako zentroan egin beharko du aurrematrikula.
D. Aurrematrikula egiteko eraman behar den dokumentazioa: Nahikoa da NANaren fotokopia bat eta batxilergoko/ DBHko espedientea goi-mailarako eta erdi-mailarako hurrenez hurren.
E. Prezioak (2018-2019):
- Matrikularen kostea 150 eurokoa izango da.
- 120 euroko 10 kuota ordainduko dira lehenengo urtean eta beste 10 kuota bigarren urtean iraila eta ekaina bitartean.
Marketina zikloko ikasleek egindako bloga ikusi.
