Hasiera » Heziketa Zikloak » 3D Animazioak, Jokoak eta Ingurune Elkarreragileak

3D Animazioak, Jokoak eta Ingurune Elkarreragileak

Gure ikasleek 3D edukien ekoizpen katearen atal guztiak ikasiko dituzte, ikus-entzunezko, bideojokoen zein aplikazio interaktiboentzako. Aldi berean, eduki horiek integratzen dituzten produktu amaituen garapena egiten ere ikasiko dute, bai bideoetarako, bideojokoetarako, aplikazio interaktiboetarako, errealitate birtualeko zein areagoturako.

Titulazio ofizial honekin honako lan hauetarako gauza izango zara:

  • 2D eta 3D animatzailea
  • 3 D modelatzailea
  • Ikus-entzunezko multimedia-aplikazio eta -produktuen garatzailea
  • Grafista digitala
  • Eremu birtualen sortzailea
  • 3D efektu berezietako teknikaria
  • Ikus-entzunezko multimedia-integratzailea
  • Ikus-entzunezko multimedia-eduki editorea
  • Multimedia-sistema eta -errealizazioko teknikaria

HARROBIAk daukan balio erantsiak:

  • Bilbo Handian ziklo hau euskara hutsez ematen duen ikastetxe bakarrean ikasiko duzu.
  • ETHAZI metodologia jarraituz erronkak gaindituz ikasiko duzu.
  • Ikasten duzun bitartean lan egiteko aukera izango duzu (Ikas-ekinezko erregimeneko LH duala).
  • LPK-Praktikak atzerrian egiteko aukera duzu (ERASMUS +).
  • EGA/HABE ikastaroak egiteko aukera duzu.
  • Ingeleraz komunikatzeko gaitasuna hobetzeko aukera duzu.
  • Banakako tutoretza eta orientazioa jasoko duzu.
  • Zure enpresa sortzeko aholkularitza jasoko duzu (URRATS BAT).
  • Ikasketak bukatzean ikastolako lan poltsan izena emateko aukera duzu.

FAMILIA: Irudia eta Soinua
IRAUPENA: 2000 ordu
ESKAINTZA MOTA: Osoa
ORDUTEGIA: 8:00 – 14:30 (atsedenaldia 11:00etatik 11:30etara)

1. MAILA

Lanbide moduluak:

1086. Animaziorako diseinua, marrazketa eta modelatzea (198 ordu)

1087. 2D eta 3D elementuen animazioa (264 ordu)

1088. 2D eta 3D kolorea, argiztapeana eta akaberak (198 ordu)

1090. Multimedia-proiektu elkarrragileen errealizazioa (231 ordu)

1094. Laneko prestakuntza eta orientabidea (99 ordu)

2. MAILA

Lanbide moduluak:

1085. Ikus-entzunezko 2D eta 3D animazio-proiektuak (100 ordu)

1089. Jokoen eta ingurune elkarreragileen proiektuak (100 ordu)

1091. Gailu anitzeko ingurune elkarreragileen garapena (160 ordu)

0907. Ikus-entzunezkoen muntaketa eta postprodukzioa egitea (140 ordu)

E-200. Ingeles teknikoa (40 ordu)

1095. Enpresa eta ekimen sortzailea (60 ordu)

1093. 3D animazioen, jokoen eta ingurune elkarreragileen proiektua (50 ordu)

1092. Lantokiko prestakuntza (360 ordu)

Ikusi tituluari lotutako informazio guztia.

 

Tituluaren ostean hiru aukera dauzkazu:

1. Lanean hastea

Lanean hasi nahi duenak, sektorea gustoko badu eta bi urteetan zehar formazio-ibilbide egokia izan badu, azkar sartu ohi da lan-merkatuan besteren konturako lan eginez, freelance gisa edo norberaren enpresa sortuz.

2. Trebatzen jarraitzea

  • Unibertsitateko ikasketetara sartzea:
    • Unibertsitatera zuzenean sartzea, selektibitaterik gabe eta edozein gradutan.
    • Eskaintza eskaria baino handiagoa bada, sartzeko nota bat ezarriko da. Horretarako, zikloko batez besteko notari unibertsitatera sartzeko probetan ateratako nota gehituko zaio.
    • Orotara, gehienez, 14 puntu erdietsi ahal izango dira; 10 zikloko batez bestekoari dagozkio eta 4 proba espezifikoetan ateratako 2 nota onenei dagozkie.
  • Beste heziketa ziklo batetara sartzea:
    • Unibertsitatera joateko interesik izan ezean, egindako zikloa beste arlo batzuetako zikloekin osatzen da. Adibidez, Marketina eta Publizitatea.
    • Ikusi heziketa zikloen zerrenda osoa.
  • Profesionaltasun-ziurtagiriak:
    • “Irudia eta Soinua” familian.
    • Ikusi profesionaltasun-ziurtagirien zerrenda osoa.
  • Espezializazio masterra.

3. Lana eta formazioa uztartzea

Ikasten jarraitzen duten askok eta askok lan egin ohi dute lanaldi partzialean.

LPK–Praktiketan laguntzen diguten enpresak honako hauek izan ohi dira:

  • Tecnalia
  • Beitxu
  • Jokoga Interative
  • Bitart
  • Ludus
  • Delirium Studios
  • Virtual Bilbao
  • VirtualWare
  • Gestionet
  • Katue Studios
  • Soid-virtual
  • Baleuko
  • Binary Soul

A. Bete beharreko baldintzak:

  • Batxilergoko bigarren ikasturtea gainditurik izatea.
  • Goi-teknikariaren titulua, LHIIko teknikari espezialistaren titulua edo akademikoki parekoa den beste tituluren bat izatea.
  • Unibertsitate-titulua edo pareko bat izatea.
  • 25 urtetik gorakoentzako unibertsitatera sartzeko proba gainditu izana.
  • Goi mailako zikloetan sartzeko sarbide-probak gainditu izana.

B. Lanbide Heziketako goi mailako zikloetarako onartuen zerrendan agertzeko irizpideak. Aurrematrikula betetako ikasleekin zerrenda bat osatuko da onartutako eskabideekin; ondoren, matrikula egin ahal izango dute ikaslegai horiek. Onartuen zerrendan agertzeko irizpideak honako hauek dira:

  1. Aurrematrikula egitea: ezinbestekoa onartuta izateko.
  2. Espedientearen batez besteko nota: atal honetan aintzat hartuko dira batxilergoko 1. eta 2. mailan lortutako notaren batez bestekoa eta lehentasuna izango dute Zientzia eta Teknologiako Batxilergotik datozen ikasleak.

C. Nola egiten da aurrematrikula: Aurrematrikula zentro bakar batean egin behar da. Bertara joanda hiru aukera adierazi beharko ditu ikaslegaiak, bere lehentasunen arabera. Lehenengo aukera gisa hautatutako zentroan egin beharko du aurrematrikula.

D. Aurrematrikula egiteko eraman behar den dokumentazioa: Nahikoa da NANaren fotokopia bat eta batxilergoko/ DBHko espedientea goi-mailarako eta erdi-mailarako hurrenez hurren.

E. Prezioak (2018-2019):

  • Matrikularen kostea 200 eurokoa izango da.
  • 180 euroko 10 kuota ordainduko dira lehenengo urtean eta beste 10 kuota bigarren urtean iraila eta ekaina bitartean.

3D zikloko ikasleek egindako bloga ikusi.

Izena eman informazio osoa jasotzeko.

BIKAIN!