Gure ikasleak Erasmus+ esperientzia bizitzen ari dira, eta argi dago bidaia hau praktiketatik edo eskoletatik haratago doala. Ez da soilik ikastea: kultura berri batean murgiltzea, ohiko ingurunetik ateratzea eta pertsona zein profesional gisa haztea da benetako balioa.
Egun hauetan, gure ikasleek bidalitako postal eta irudiak jasotzen ari gara, beren helmuga ezberdinetatik. Irudi horietan ikusten da nola ari diren esperientzia ahalik eta gehien aprobetxatzen, ikasten, ezagutzen eta bizipen berriak pilatzen. Egia esan, inbidia pixka bat ere ematen digute!
Harrobia Ikastolan sinesten dugu nazioartekotzeak aukerak zabaltzen dituela: hizkuntzak, lan-aukerak eta ikuspegi berriak. Horregatik, Lanbide Heziketa ireki, konektatu eta global baten aldeko apustua egiten jarraitzen dugu, gure ikasleei etorkizunerako ate gehiago ireki ahal izateko.
Aupa zuek, esperientziaz gozatzen jarraitu!
