Euskadiko Kirol Profesionalen Erregistroa martxan dago jada, eta lege berriak kirol arloko profesional guztiek beren jarduera erregistratu behar dutela ezartzen du. Neurri honek kirolaren esparruko profesionaltasuna, kalitatea eta segurtasuna bermatzea du helburu.
📎 Araudia hemen kontsulta daiteke:
Euskadiko Kirol Profesionalen Erregistroa – BOPV 2025eko abuztuaren 14a
Erregistroa egiteko epeak profesional bakoitzaren egoeraren arabera aldatzen dira:
Titulazioa duten profesionalek, hau da, legea indarrean sartu aurretik jardunean zeudenek eta lanposturako gaitasuna egiaztatzen duen titulua dutenek, 2025eko azaroaren 28ra arte dute izena emateko epea.
Titulaziorik ez duten profesionalek, esperientziaren bidez jardun dutenek, 2026ko urtarrilaren 1era arte dute aukera, Gaitasunen Egiaztapena edo Aldi Baterako Gaikuntza prozeduren bidez beren lanbidea egokitzeko.
Harrobia Ikastolak laguntza eta aholkularitza pertsonalizatua eskaintzen du prozesu honetan. Dagoeneko hainbat gimnasio, kirol-instalazio eta turismo aktiboko enpresei lagundu diegu beren langileak erregistratzen eta dokumentazioa prestatzen.
Oraindik ez baduzu izapidea egin, jarri gurekin harremanetan eta lagunduko dizugu pausoz pauso. Ez utzi azken momenturako, zure etorkizun profesionala bermatzeko unea da.
📩 enpresa@harrobia.net