Euskararen erabilera sustatzea Harrobia Ikastolaren konpromisoetako bat da, baita ingurune digitalean ere. Horregatik, aurreko ikasturtean gure webguneko bisitariek nabigatzeko aukeratutako hizkuntzak aztertu ditugu.
Bildutako datuen arabera, Harrobiako webguneko bisitarien heren batek euskara aukeratzen du nabigatzeko hizkuntza gisa.
Datu honek gogorarazten digu euskarak ingurune digitalean duen presentziaren garrantzia, eta hizkuntzaren erabilera sustatzen jarraitzeko beharra.
Harrobian argi dugu: euskara eguneroko bizitzako esparru guztietan erabiltzea garrantzitsua da, baita interneten ere.
Jarrai dezagun euskara sustatzen, pantailaz pantaila eta kliketik klikera. Nabigatu euskaraz!
