Harrobia Ikastolan Bideojokoen Garapena eta Errealitate Birtuala ikasten ari den Mikel Arrizabalaga ezagutu nahi dugu gaur. Gaur egun, hezkuntza duala egiten ari da IIS Biobizkaia-n, eta bertan aukera paregabea du eskolan ikasitakoa osasunaren arloko proiektu errealetan aplikatzeko.
Mikelek gertutik ezagutzen ari da nola erabiltzen den errealitate birtuala osasunaren sektorean. Besteak beste, honako aplikazioak lantzen dira:
Mediku eta erizainentzako entrenamendu birtuala, egoera klinikoak modu seguru eta errealistan praktikatzeko.
Planifikazio kirurgikoa 3Dn, ebakuntzak hobeto prestatzeko eta profesionalen lana errazteko.
Teknologia berritzaileak pazienteen bizi-kalitatea hobetzeko, osasuna eta berrikuntza uztartuz.
Mikelen esperientziak erakusten du bideojokoen garapena eta errealitate birtuala ez direla soilik aisialdirako tresnak. Gaur egun, teknologia horiek gero eta presentzia handiagoa dute osasunean, prestakuntzan, simulazioan eta ikerketan.
Mila esker, Mikel, zure esperientzia gurekin partekatzeagatik eta teknologia bizitzak hobetzeko tresna bihur daitekeela erakusteagatik!
