Lanbideko ziurtagiri profesionaleko Mendiko gidari ikastaroko ikasleak Asturiasen izan dira, ingurune naturalean egindako egonaldi praktiko batean. Egonaldian zehar, mendiko gidaritzan funtsezkoak diren gaitasunak landu dituzte:
- Iglu bat eraikitzea
- Elur-koba batean lo egitea
- Elur-jausien protokoloa menperatzea (ARVA, pala eta zunda)
- Mapa eta iparrorratzarekin orientatzea
Esperientzia honek aukera eman die ikasleei egoera errealetan ikasteko eta beren gaitasun teknikoak indartzeko.
Ikasi dute, eta asko. Baina argazkiek erakusten duten bezala, esperientzia ahaztezina ere izan da.
