Kaixo, 3D3ko ikasleak gara. Hurrengo hiru hilabete hauetan Trondheim-en, Norbegian, egongo gara Erasmuseko praktikak egiten. Hiri honetan, NTNU barruan dagoen VR enpresa batean ari gara lanean; arrainen zaintzari buruzko proiektu bat lantzen ari gara, aplikazioa optimizatzeko eta erabilgarriagoa egiteko. Lan egiteko giroa atsegina da; lankideek ez dute asko hitz egiten, baina jatorrak dira.
Erasmusera joatea bizitzako erabakirik ausartenetariko bat da; izan ere, esperientzia izugarria delako. Hizkuntza berri bat ikasi edo lehendik dakizun hizkuntza bat hobetu dezakezu. Baita ere, herrialde berri bat ikusi eta ezagutu dezakezu, eta ez hori bakarrik: haien kultura eta ohiturak ikasi, eta zein desberdintasun dituzten jakin.
Ikuspegi eder eta berri asko ikusteaz gain, Erasmusen jende berria ezagutzen duzu, baita herrialde desberdinetako lagun asko ere. Maitagarriak diren pertsonak, leku sinestezinetatik datozenak.
Norbegia Erasmus+ Diary 1
