Urrian, bigarren mailako ikasleek genero berdintasunaren inguruko lau ordutako formazioa jaso zuten, Urtxintxa Eskolako Ane eta Ikiren eskutik. Saioen helburua izan da ikasleekin —bereziki neska gazteekin— genero-ikuspegia lantzea, eta eguneroko harremanetan eragiten duten hainbat kontzeptu modu kritikoan aztertzea.
Formazioan honako gaiak jorratu dituzte: sexu-genero sistema, rolak, estereotipoak eta indarkeria, ikuspegi pedagogiko eta prebentibo batetik. Horretarako, areto nagusian dinamika ezberdinak egin dituzte, talde-lana eta parte-hartze aktiboa sustatuz.
Harrobia Ikastolan uste dugu halako saioak ezinbestekoak direla espazio seguruak sortzeko, eta gure ikasleen artean —eta bereziki nesken artean— autonomia, ahalduntzea eta berdintasunerako gaitasunak indartzeko.
