Urtero bezala, bigarren mailako ikasleek berdintasuna sustatzeko lau ordutako formazioa jaso dute, Urtxintxa Eskolako Leire eta Ikiren eskutik.
Saioetan, neska eta mutilen taldeekin batera, indarkeria mota ezberdinen prebentzioan oinarritutako dinamikak landu dituzte. Helburua da ikasleak gizartearen errealitateari lotutako egoerak identifikatzeko, ulertzeko eta modu seguru eta berdinzalean erantzuteko prestatzea.
Harrobia Ikastolak bere konpromisoari eusten dio: espazio seguruak sortzea, nesken ahalduntzea indartzea eta berdintasuna ikuspegi integraletik lantzea.
