Harrobia Ikastolako Andrea González, 3D, bideo-jokoak eta ingurune interaktiboak zikloko ikaslea, SpainSkills 2022 lehiaketako lehen postuan sailkatu da, Espainiako txapeldun bilakatuz. Lorpen honek, gainera, ateak irekitzen dizkio nazioarteko lehiaketetan parte hartzeko: EuroSkills eta WorldSkills (Shanghai) txapelketetan izango da.
SpainSkills lehiaketa —informazio guztia hemen: spain-skills.es— Hezkuntza eta Lanbide Heziketako Ministerioak antolatzen du, eta Estatuko erreferentzia da ikasle gazteen talentua, gaitasun profesionalak eta sormen teknikoa erakusteko. Skill bakoitzean Lanbide Heziketako prestakuntza-familia ezberdinen arteko probak egiten dira, eta garaile ateratzeak zuzenean eramaten du Europako eta munduko txapelketetara.
Andrea bezalako emakume gazteek arlo teknologikoan duten presentzia eta lidergoa Harrobiarentzat harrotasun iturri dira, eta erreferente bihurtzen dira beste neska askorentzat ere.
Zorionak, Andrea!
