Irailaren 28an, Piedad Arbaizaren eskutik, ‘Aldaketaren Kudeaketa’ formakuntzari ekin genion Harrobiako bazkideok. Ikastaro honek helburu du aldaketak modu osasungarri, kontziente eta orekatuan kudeatzen ikastea, gure lan-eremuan zein komunitatearen barruan ongizatea indartuz.
Formakuntza prozesua bi hilean behin egingo da, eta iazko ikastaroaren jarraipena da. Lehenengo saio honetan, elkarrizketa eraginkorra osatzen duten hiru oinarriak birpasatu genituen:
Lengoaia (nola adierazten dugun gure ikuspegia),
Emozionalitatea (zer emozio sortzen diren eta nola kudeatzen diren),
eta Gorputza (komunikazio ezberdinen arteko koherentzia bilatzea).
Formakuntza honek ikastolako barne-antolaketa sendotzen laguntzen du eta talde-lana, zaintza eta komunikazio kontzientea sustatzeko aukera paregabea eskaintzen du.
