Abenduaren 3an, Euskararen Egunean, Harrobia Ikastolan euskararekiko dugun konpromisoa berretsi dugu, hizkuntza-normalizazioa gure hezkuntza-proiektuaren ardatz estrategikoetako bat dela azpimarratuz.
Gure ikastetxean euskara ez da soilik komunikazio-hizkuntza bat: gure eguneroko jarduna, harremanak eta ikasteko modua euskaraz garatzen dira. Ikasleek eta irakasleek mezu bateratua zabaldu dugu, euskaraz bizitzeko eta lan egiteko borondate irmoa adieraziz.
Harrobia Ikastolatik Bilbo euskaldunago baten alde lanean jarraitzen dugu, euskararen erabilera soziala indartuz eta etorkizuna ere euskaraz eraikitzeko konpromisoa hartuz.
Testuinguru honetan, euskararen aldeko mobilizazio eta ekimen sozialekin bat egin dugu, erdalduntze-prozesuen aurrean hizkuntza-eskubideen defentsa eta euskararen presentzia aktiboa aldarrikatuz.
