12 pertsonek amaitu dute Altuerako abentura-parkeetan jolas-jarduerak dinamizatzea profesionaltasun-ziurtagiriaren prestakuntza-prozesua, 4 hilabeteko prestakuntzaren ondoren.
Harrobia Lanbide Ikastolak Prestakuntza Zentro gisa akreditatu zuen bere burua ziurtagiri hori emateko, eta hau izan da prestakuntza-prozesua amaitu duen estatu osoko lehen promozioa. Prestakuntza hainbat Abentura Parketan izan da, indoor zein outdoor, Bizkaia Park Abentura eta Mendexa Abentura Park parkeak nabarmenduz.
Landutako edukiak honako hauek dira: erabiltzaileen harrera, jarraipena kudeatzea eta zirkuituetan laguntzea, bai eta erreskate- eta ebakuazio-teknikak ere. Lanbideren Plan Berezia denez, taldekako jarduerak eta erronkak dinamizatzeko prestakuntza-modulu bat ere izan du. Turismo aktiboak, eta, kasu honetan, abentura-parkeek, prestakuntza berri honekin, pertsona berriak izango dituzte beraien lanpostuak betetzeko.
Hain dinamikoa eta ingurune naturaleko jarduerekin lotua den sektore baterako prestakuntzen proposamenean sakontzen jarraitzen dugu, Aktiba eta Anetae enpresek ordezkatzen duten sektorearekin batera lan eginez. Gure erronka, prestakuntza enpresen beharretara hurbiltzea.