Aurten, Harrobia Ikastolak hazkunde nabarmena izan du Prestakuntza Dual Intentsiboan: guztira hiru neska eta zazpi mutil ari dira parte hartzen. Kopuru horrek adierazten du ikastolak egiten duen enplegagarritasunaren aldeko apustu irmoa, bai eta ikaskuntza praktiko eta aktiboaren aldeko konpromisoa ere.
Prestakuntza Dual Intentsiboa aukera bikaina da ikasleentzat, izan ere, askorentzat beren espezialitateko lehen kontratua izaten ari da. Horrela, lan-ingurune errealetan trebatu eta etorkizuneko ibilbide profesionalean eragin zuzena izango duten esperientziak eskuratzen dituzte.
Ikasleak eta haien praktikak:
– Ane (INBOOST TOURISM) eta Ines (CHOMON), Marketina eta Publizitatea zikloko ikasleak.
– Nerea (CURVES), Egokitzapen Fisikoa zikloko ikaslea.
– Aitor (UKABILKA), Unax (FEEL WELL) eta Aimar (VIVAGYM), baita ere Egokitzapen Fisikoa zikloko ikasleak.
– Markel (ITP AERO), Ander (TECNALIA), Joel (AVRIX) eta Koldo (VIRTUAL4), 3D, Animazioak, Jokoak eta Ingurune Elkarreragileak zikloko ikasleak.
Harrobiatik eskerrak ematen dizkiegu enpresa guztiei gure ikasleei profesionalizazio-aukerak, esperientzia esanguratsuak eta lan-aukerak eskaintzeagatik. Bereziki azpimarragarria da emakume gazteen presentzia gero eta handiagoa, ohikoan maskulinizatutako arloetan aukera-berdintasuna indartuz.
