Urria honetan, Harrobia Ikastolak genero berdintasunaren aldeko hainbat ekintza garatu ditu, ikas komunitatearen eta langileen inplikazioa bultzatuz.
Batetik, bigarren mailako ikasleek lau ordutako formazioa jaso dute Urtxintxa Eskolako Leire eta Bernarren gidaritzapean, sexu-genero sistema, estereotipoak, rolak eta indarkeria ikuspegi kritiko eta pedagogikotik lantzeko.
Bestetik, urriaren 26an, Harrobiako 9 langilek (5 emakume eta 4 gizon) bilera egin zuten, Murgibeko Garaziren laguntzarekin, hurrengo lau urteetarako berdintasun-planerako ekintzen zerrenda osatzeko. Helburua da ikastolan berdintasuna modu integral eta egituratuan lantzen jarraitzea.
Arlo honetan lan handia dago egiteko, baina argi daukagu: bidean gaude eta konpromisoa sendoa da.
