EuskoSkills lehiaketan urrezko domina lortu ondoren, Harrobia Ikastolako Andrea González ikasleak SpainSkills txapelketan parte hartuko du datozen egunetan, 3D eta animazioaren arloan emakume gazteen talentua ikusgarri egiten jarraituz.
Erronka berri honi aurre egin ahal izateko, azken hilabeteetan talde saio espezifikoak antolatu dira, prestakuntza teknikoa eta psikologikoa indartzeko. Martxoaren 8an, azken saioa ospatu zen, eta bertan Koikili Lertxundi, Athleticeko jokalari ohia, aritu zen norberaren nortasunaren azterketa sakon baten gidaritzan, eneagrama eta bestelako tresnak erabiliz. Saioen helburua izan da Lanbide Hezkuntzako Euskal Selekzioaren partaideek lehiaketarako estrategia pertsonalak lantzea eta ahalik eta prestakuntzarik osoena jasotzea.
Harrobiatik, gure babesa eta animo guztiak Andrea bezalako emakume sortzaile eta ausartei, erreferente ezin hobeak direlako arlo teknologikoan.
