Martxoaren 22an, Harrobiako irakasleok Bilboko Udalak eskaintzen duen ‘Parekidetasunean hazi eta hezi’ programaren edukiak ezagutu genituen, Urtxintxa Eskolaren eskutik. Saioaren helburua izan da hezkidetza, ikuspegi kritikoa eta genero-berdintasuna sustatzeko tresnak eskuratzea.
Anek eta Anderrek azaldu ziguten zergatik den beharrezkoa sistema bitarretik eta heteroarautik harago joatea, eta intersekzionalitatearen inguruko dinamika interesgarrian parte hartu genuen, ikasleen errealitate anitzak ulertzeko ikuspegiak zabalduz.
Harrobian argi daukagu: gure erantzukizuna da hezkidetza, komunikazio ez-bortitza eta espazio seguruak sustatzea, ikasle guztiek —bereziki neska gazteek eta identitate anitzek— askatasunez eta segurtasunez ikasi ahal izan dezaten.
