Bigarren mailako ikasleek genero berdintasuna lantzeko lau ordutako formazioa jaso zuten urrian. Urtxintxa Eskolako Ane eta Jon izan ziren formakuntza dinamizatu zutenak, eta ikasleen artean, neska eta mutilak, honako kontzeptuak jorratu zituzten: sexu-genero sistema, rolak, estereotipoak eta indarkeria.
Pandemiaren testuinguruak ekarri zuen dinamikak estatikoak izatea, baina baliabide digitalak erabiliz, eztabaidak eta ikasleen parte-hartzea sustatu zuten. Formazioak gizon eta emakumeen arteko berdintasuna eta tratu onen balioak barneratzea eta hausnartzea helburu izan zuen.
