Harrobiako Kirol eta Egokitzapen Fisikoko bi taldek beren enpresa-proiektuak aurkeztu dituzte DEMAk antolatzen duen Enpresari ideia-lehiaketara. Ekimen honek aukera ematen die ikasleei beren proiektuak garatzeko, ekintzailetzaren oinarriak lantzeko eta beren ideiei ikusgarritasuna emateko.
Lehiaketaren lehen fasean aurkeztutako proposamen guztien artean hautaketa egingo da, eta aukeratutako taldeei tutoreak esleituko zaizkie proiektua garatzeko. Azken fasean, 10 proiektuk jasoko dute aitorpena.
Aurkeztutako taldeen artean emakumeen parte-hartze aktiboa ikusi da, eta horrek agerian uzten du ekintzailetza femeninoak gero eta presentzia handiagoa duela gure ikastolan. Horrelako aukerek neska gazteak ahalduntzen laguntzen dute, eta kirol-arloko proiektu berrietan emakumeen lidergoa indartzen dute.
Harrobian, ekintzailetza parekidea sustatzea gure hezkuntza-ereduaren parte da, eta ikasleen sormena eta ekimena bultzatzen dituen bide guztietan laguntzen jarraituko dugu.
