Urrats Bat programaren bidez, DEMA –Bizkaiko Foru Aldundiaren erakundea– Harrobian egon da urriaren lehen asteetan, ekintzailetzari buruzko sentsibilizazio-saioak ematen. Jarduera hauek Enpresari lehiaketaren aurkezpenaren barruan kokatu dira, eta Marketin, Kirol, Informatika, 3D eta bideo-jokoen arloetako ikasleek parte hartu dute.
Saioen helburu nagusietako bat ekintzailetzaren aukera eta erronken inguruan hausnartzea izan da, baina bereziki garrantzitsua izan da emakume ekintzaile baten presentzia eta testigantza: Lucia Bonillak bere esperientzia partekatu du, emakumeek ekintzailetzan duten papera eta duten ikuspegi berezia azpimarratuz. Haren ibilbideak erreferente baliotsua eskaintzen die neska gazteei, eta emakumeen talentua ikusgarri bihurtzen laguntzen du.
Gogoratu behar da, gainera, iazko edizioan Harrobiako Neftali Serranok 9. saria eskuratu zuela Enpresari lehiaketan, emakumeek ekintzailetzan duten presentzia gero eta handiagoaren adibide.
Harrobian uste dugu emakumeen ahalduntzea, erreferenteen ikusgarritasuna eta ekintzailetza parekidea funtsezkoak direla hezkuntza komunitate sendoa eraikitzeko.
