Kirola  eta  Informatika  zikloetako  ikasleak  enpresetan  daude  praktikak  egiten

Kirola eta Informatika zikloetako ikasleak enpresetan daude praktikak egiten

Atzo, 380 ordutako iraupena duen Lantokiko Prestakuntza Kurtsoa hasi zuten bigarren mailan dauden ikasleek. Informatika erdi mailako zikloko ikasleek praktikak egingo dituzte hezkuntza zentroetan eta informatikako enpresetan. Kiroleko goi mailako zikloa egin duten ikasleek udal kiroldegi zein gimnasio pribatuetan egingo dituzte praktikak. Harrobiatik eskerrak ematen dizkiegu enpresa kolaboratzaile guztiei: JGN Informatica, Mod Pc, PCBox, Digwind, Sarintel, Akira Games, Sermicro, Versia, Reciclanet, Cove Norte, Elurnet, Ehu-Cidir, Aixerrota, Lauro, Barakaldoko Salestarrak, Urretxindorra, Eguzkibegi, Itxaropena, Guedan, Emtesport, Metropolitan, Up Bilbao, Club deportivo, Xaker, Nivel3, Esparta Arena, IMD Basauri, Getxo Kirolak, Sestao Kirolak, UR Nomade, Troka, Crossfit Basauri, Gaude, D.U. Trainning.

Errealitate  birtualeko  6  proiekturen  aurkezpena  Harrobian

Errealitate birtualeko 6 proiekturen aurkezpena Harrobian

Harrobia Ikastolak 2017-2018 ikasturtean egindako errealitate birtualeko 6 proiektu aurkeztu ditu. Proiektu guztiak 2017-2018 ikasturtean zehar gauzatu dira eta 3D Animazioetako, Jokoak eta Ingurune Elkarreragileetako goi mailako zikloko 2. mailako ikasleek egin dituzte:

  • Lanbideren bulegoaren simulazioa Harrobia plazako Harrobiaren eraikinean
  • Bilboko Berreginen museoa
  • Euskal museoa
  • Mariaren Bihotzeko plazan dauden frantziskotarren konbentuaren aztarnak
  • Pantallas amigas enpresarentzako Bullying simuladorea
  • Azzurro tabernaren scape-room-a

Ekitaldia otsailaren 15ean, ostegunarekin, goizeko 9etan, Harrobia Lanbide Heziketako zentroaren areto nagusian izan da. Bertan, proiektuetan parte hartu duten erakundeei (enpresak eta administrazioak) emandako errealitate birtualeko soluzioak aurkeztu dira.

Harrobia Ikastolak, ETHAZI metodologian oinarrituta, ikasleak lantaldeetan antolatzen ditu eta ikasle-taldeak enpresen arazo errealei edo proiektu errealei soluzioak eskaini nahi dizkie, ikaslearen laneratzea errazte aldera. Eusko Jaurlaritzaren Lanbide Heziketako Sailburuordetzak bultzatzen duen metodologia horrek, gaitasun teknikoak ez ezik, lan-merkatuak eskatzen dituen trebetasunak eta gaitasunak ere garatzen laguntzen du. Hala, autonomia, talde-lana, bezeroekiko harremana, proiektuen kudeaketa eta arazoak konpontzea bezalako trebetasunak lantzen dira.

Metodologia honi esker, lanbide heziketako ikasleek kontaktu zuzen eta erreala daukate merkatuarekin, eta, bide batez, Harrobia Ikastolak bere ikasleei curriculumetan proiektu errealak islatzeko aukera eman nahi die.

Kalean  da  dagoeneko  Marketin  sektorearen  enpleagarritasunari  buruzko  txostena

Kalean da dagoeneko Marketin sektorearen enpleagarritasunari buruzko txostena

Harrobia ikastolako Marketina zikloko ikasleek, ETHAZI metodologiaren erronka bat bezala, beraien sektoreko lan-merkatuaren azterketa egin berri dute. Azterketa hori egiteko hainbat enpresatara eta sindikatutara jo dute informazio bila eta emaitzetan ikus daitekeenez, merkatua hazkunde fase batean dago.

Sektorean enpresa txikiak dira nagusi eta jarrera positiboa eta eskarmentua dira gehien baloratzen dituzten trebetasunak. Beste alde batetik, langileen errotazioa txikia da, hots, langileek, batez beste, bost urte baino gehiago ematen dute enpresa batean; halaber, Unibertsitateko prestakuntza nagusi da sektorean eta soslairik demandatuenak Interneteko publizitateari eta Marketin digitalari dagozkionak dira. Gainera, emakumearen presentzia gizonezkoena baino apur bat handiagoa bada ere, faltan sumatzen da berdintasun planak inplementatzea.

2017-2018 ikasturtea. Lehenengo maila. Marketina sektoreko lan-merkatuaren azterketa.
KAPE MAYONNAICE SAIA
     
Informatika  zikloko  ikasleek  gela  berria  prestatu  dute  Harrobian

Informatika zikloko ikasleek gela berria prestatu dute Harrobian

SARE LOKALAK eta MANTENUA lanbide moduluetan ikasitakoa praktikan jarri dute MSS erdi mailako zikloko LEHENENGO mailako ikasleek eta Harrobia ikastolako informatika gela berria muntatu dute. Irakaslea eta IKT arduraduna den Jonathan Carrillo-ren argibideak jarraituz aukera ezin hobea izan dute praktikan jartzeko landutako gaitasunak: sare lokala instalatu eta ekipo informatikoak muntatu. Eskerrik asko egindako lanagatik!