2019-2020 ikasturteari bukaera eman diogu Harrobian

2019-2020 ikasturteari bukaera eman diogu Harrobian

Ekainaren 30ean, 2019-2020 ikasturteari bukaera eman genion eta Harrobiako irakasleek merezitako oporrak hartuko dituzte. COVID-19a dela, azken klaustroak online egin ditugu, Zoom bitartez.

2020-2021 ikasturtearen aurkezpena irailaren 4an (ostirala) egingo dugu talde guztiekin.

Gogorarazten dizuegu ikastolako idazkaritza zabalik dagoela uztailaren 17rarte 9:00etatik 13:00etara eta irailaren 1erarte itxita egongo da.

Ondo pasa oporretan!

LH Duala programan hasi da Informatika zikloko ikasle bat

LH Duala programan hasi da Informatika zikloko ikasle bat

Ekainaren 15ean, Informatikako zikloko ikasle bat 2020-2021 ikasturteko LH Duala programan hasi zen.

Asierrek, ASTI LEKU ikastolan urte beteko KONTRATUA dauka IKT arduradunekin batera mikroinformatika sistemak instalatu, konfiguratu eta mantentzeko.

Irailean, beste BI ikasle programa honetan parte hartuko dute BEKA bitartez: 3D zikloko Aitorrek TECNALIA enpresan eta Marketina zikloko Ianirek EXPRESSIVE MEDIA PROJECTS enpresan.
Harrobiatik eskerrak ematen dizkiegu enpresa hauetako arduradunei gure ikasleei emandako aukeragatik; esperientzia oso aberasgarria dudarik gabe.

Harrobia Ikastolan sortu diren enpresekin bat!

Harrobia Ikastolan sortu diren enpresekin bat!

Inoiz pentsatuko ez genuen egoera baten aurkitu gara azkenengo asteetan. Geure ametsak, aldi baterako behintzat, zapuztu dituen egoera berri baten aurrean. Zuetako askok aktibitatea eten egin behar izan duzue, batzuek ERTEa egin behar izan duzue, beste batzuek jardueraren etenaldiagatiko laguntza eskatu, beste batzuek finantzazio bide berriak topatuz… Baina epe laburrerako etorkizuna badoa, apurka-apurka bada ere, argitzen.

Harrobia Ikastolak 20 urte egongo ditu 2021.urtean. 20 urte horietan gorabeherak izan ditugu. Egun proiektua egonkortuta dagoela esan badaiteke ere, ezjakintasunezko uneak bizi izan ditu Harrobiak iraganean, proiektua bera kolokan egotera ere eraman zutenak. Horregatik erabaki genuen Harrobia identifikatuko zuen leloa ezina ekinez egina izango zela.

Hortaz, jabetzen gara ametsa egia bihurtzerainoko bidea ez dela samurra; alabaina, hori atzera begiratuta esatea erraza da. Dena dela, zuen oraingo ezjakintasunak eragiten duen egonezina ulertzen dugu. Hori dela eta, lehen-lehenik animoak eman nahi dizkizuegu, kemena ez dadila falta. Berriro aurrera ateratzeko garaia da, nork bere proiektuan duen ilusioa berritzeko unea; indarberriturik ateratzeko sasoia.

Bigarrenez, geure esku egon daitekeen laguntza xumea ere eskaini nahi dizuegu eta, ahal den neurrian, bidelagun izan gaitzazuela. Zentzu horretan, Marketin zikloko irakasle eta ikasleek martxan jarri duten Marketin solidarioaren berri eman nahi dizuegu, krisialdi honetatik ateratzeko bezeroak bilatzen eta fidelizatzen lagundu diezazuekeen egitasmoa, alegia. Hala nahi izanez gero, irailetik aurrera prest egongo dira marketin soluzioak eskaintzeko Harrobia ikastolako Urrats Bat enpresei.

Bestalde, Urrats Bat sarearen aukera ere zabalik duzue, zuen ilusio, ezjakintasun eta ezinegon berberak dituzten proiektuek osatutako sarea, eta sareek aukerak biderkatzen dituzte; beraz, saretzera eta sarea aprobetxatzera animatzen zaituztegu, bada. Mezu honekin batera Urrats Bat sarearen Newsletterraren esteka ematen dizuegu: https://urratsbatsarea.eus/eu/albisteak.

Eta, bide batez, jakin ezazue zuen kezkak eta galderak erantzuteko presta gaudela, elkarrekin egoerak aztertu eta alternatibak bilatzeko prest, geure laguntza xumea eskaintzeko, eta Covid-19 dela eta ateratako dirulaguntzei buruzko informazioa helarazten dizuegu. Ezina ekinez egiten delako.

Animoak ematen bideoa IKUSI.

Ikaskuntza Koordinatzaileen bilera Coronavirusa garaian

Ikaskuntza Koordinatzaileen bilera Coronavirusa garaian

Maiatzan, Ikaskuntza Koordinatzaileen bilera ON-LINE egin genuen GMeet erabiliz.
Bakoitzak bere egoeraren berri eman zuen eta Coronavirus garai honetan dauzkan zailtasunak partekatu zituen. Hala ere, AUKERA berriak ere aurkeztu zaizkigula komentatu genuen: gaitasun digitalak garatu ditugu eta komunikazio bide berriak erabiltzen ari gara.
2021 ikasturteko plangintza egiterakoan kontutan hartu beharko ditugu, adibidez, zer egin daiteke on-line eta zer egin behar da derrigorrez modu presentzialean, noiz da beharrezkoa guztiok aldiberean konektatuta egotea, nola landu harremanak ikasle berriekin. Hausnarketa egiteko bideo hau ikusi.

Marketin solidarioa COVID-19aren aurrean enpresak laguntzeko

Marketin solidarioa COVID-19aren aurrean enpresak laguntzeko

Harrobia Ikastolako Marketin eta Publizitateko zikloko ikasleak, Marketin solidario ekimena aurrera eraman dute, COVID-19aren aurrean kaltetuta dauden Bizkaiko empresa txiki eta ertainei laguntzeko.

Harrobiako ikasleak COVID-19aren osasun emergentzia egoerarekin arduratuta daude eta horregatik beraiek ere hondar alea jarri nahi dute. Hori dela eta, publizitate agentzia solidarioa martxan jarri dute. Ekimen honen helburua egunotako egoera dela eta Bizkaian kaltetuak izan diren, autónomo, enpresa txiki eta ertainentzako doako marketin eta publizitate zerbitzua eskeintzea da.

Enpresek beraien eskaerak honako helbidera bidali ahal dituzte eta proeiktuen kontratazioak apiralaren 20tik aurrera kudeatuko dira.

Publizitate solidarioaren agentziak hainbat zerbitzu eskaintzen ditu, enpresen beharrizanen arabera. Diseinu grafikoa (marka eraikitzea, logotipoak eta beste irudi korporatiboa), marketin digitala (sare sozialen diseinua, web diseinua, SEO, Facebook Ads …), merkatarien ikerketa (benchmarking, mistery shopper, datuen analisia …), Ekitaldien antolakuntza, kanpainak publizitateak eta marketin digitaleko ikastaroak.

Proiektu erreal eta solidario honek ilusioz betetzen ditu ikasleak eta berarien laguntzarekin kaltetuak izan diren hainbat enpresei eskua luzatzen diete. Gainera benetazko proiektua izanda, motibazioa baita ere handiagotzen da eta oportunitate aparta ematen die berarien curriculumarentzat, lan munduari begira.

Proiektu solidario honekin arrakasta handia opa diegu eta garrantsitzuena, behar duten pertsonei lagungarri izatea.

Zorionak lanagatik!

Kaixo!
Laguntzarik?
Kaixo! Laguntzen zaitugu? Ez geratu dudekin, laguntzeko gaude.