Harrobia  ikastolako  hiru  ikasle  sartu  dira  ERASMUS+  planean

Harrobia ikastolako hiru ikasle sartu dira ERASMUS+ planean

Lanbide heziketa ziklo bakoitzaren bigarren urtean praktikak egiten dira enpresetan. Praktika hauek ERASMUS+ planaren barruan atzerrian egiteko aukera dago. Urtero, gure ikasleak animatzen ditugu plan honetan parte hartzeko; giro desberdin eta berri batean 14 aste egotea oso aberasgarria da eta beraien heldutasun mailan nabaritzen da.

ERASMUS+ plana herrialde desberdinetan burutzen da ikaslearen hizkuntza maila kontuan hartuta. Otsailean, Erresuma Baturara joango dira Kiroleko zikloko Peio eta 3D zikloko Iker; Informatika zikloko Asier Portugalera joango da. Zorionak guztiei!

 

Erasmus+  planaren  inguruko  hitzaldia  Harrobia  Ikastolan

Erasmus+ planaren inguruko hitzaldia Harrobia Ikastolan

Atzo, urriak 4, ‘Gorputz eta Kirol Ekintzen Sustapena’ heziketa zikloko ikasle ohia den Martin Ibarra Harrobiara hurbildu zen ERASMUS+ planean izandako esperientzia bigarren mailako ikasle guztiekin konpartitzeko.

2016ko martxotik ekainera Italiako Vicenza herriko gimnasio batetan praktikak egin zituen. Aldez aurretik, Confebaskeko hautaketa prozesua pasatu behar izan zuen eta hizkuntzaren inguruko ikastaroa ere egin. Eta nahiz eta menperatzen ez zuen hizkuntza batetan komunikatu behar izan, bere esanetan esperientzia oso aberasgarria izan zen, inolako zalantzarik gabe: jende berria ezagutu eta beraiekin elkar bizi, ezezaguna den herri batean mugitu, dirua behar bezala kudeatu bidaiatzeko aukera izateko, etab.

Hitzaldiaren ostean hainbatek plan honetan parte hartzeko interesa adierazi zuten. Pasadan ikasturtean lau plaza lortu genituen; espero dezagun ikasturte honetan eskatzen duten guztientzako plazak izatea!

Izena eman informazio osoa jasotzeko.

BIKAIN!