“Euskadiko Lanbide Heziketa. Europako erreferente” jardunaldia

“Euskadiko Lanbide Heziketa. Europako erreferente” jardunaldia

Sabino Arana Fundazioak urriaren 25ean Euskadiko Lanbide Heziketaren orainaz eta etorkizunaz “Euskadiko Lanbide Heziketa. Europako erreferente” izenburupean antolatu duen jardunaldian parte hartu du Harrobia Lanbide Ikastolak.

Gai ordenean Estatu mailako Lanbide Heziketak Lege Proiektua, Euskadiko Prestakuntza Duala eta Europako Bikaintasun plataformak egon dira. Parte hartzaileen artean, Lanbide Heziketako Sailburuordetza, Tknika, Confebask, CCOO, Ikaslan, Hetel eta Aice elkarteen ordezkariak, LHko ikastetxe batzuk (Harrobia LHIPI, Gizarte Berrikuntzako LHII…),  eta Senatuan, Kongresuan eta Legebiltzarrean dauden ordezkari batzuk.

LH Duala programan hasi dira bi neska eta lau mutil

LH Duala programan hasi dira bi neska eta lau mutil

LH Duala programan beka bitartez SEI ikasle daude:
  • Marketina zikloko Haizeak ENVASES METALÚRGICOS DE ÁLAVA enpresan sare sozialak kudeatu, produktuen promozioak sortu, prentsa oharrak idatzi, merkatua behatu, etab. egingo ditu.
  • Marketina zikloko Jonek BIHOTZ GAZTEA ikastolan ikastolaren promozioa eta kanpoko komunikazioa burutuko du.
  • Kirola zikloko Olaiak eta Jatsuk FEEL WELL enpresan bezeroentzako entrenamendu pertsonalak egingo dituzte.
  • 3D zikloko Xabierrek TECNALIA enpresan aplikazio industrialetan 4.0 edukiak diseinatu, egin eta editatuko ditu.
  • 3D zikloko Mikelek HARROBIA Fundazioan ingurune industrialetan proiektuak garatu eta Play Station-erako proiektu bat egingo du.
Harrobiatik eskerrak ematen dizkiegu enpresa hauetako arduradunei gure ikasleei emandako aukeragatik.
LH Duala programan hasi dira 3Dko mutil bat eta Marketineko neska bat

LH Duala programan hasi dira 3Dko mutil bat eta Marketineko neska bat

Irailean eta urrian, LH Duala programan beka bitartez BI ikasle hasi dira:

  • 3D zikloko Aitorrek TECNALIA enpresan RA/RV aplikazioentzako 2D eta 3D edukiak diseinatu eta egingo ditu.
  • Marketina zikloko Ianirek EXPRESSIVE MEDIA PROJECTS enpresan proposamen komertzialak sortu eta jarraipena egingo du.

Harrobiatik eskerrak ematen dizkiegu enpresa hauetako arduradunei gure ikasleei emandako aukeragatik.

LH Dualaren inguruko bilera egin dugu Harrobiako lehenengo mailako ikasleekin

LH Dualaren inguruko bilera egin dugu Harrobiako lehenengo mailako ikasleekin

Lehenengo mailako ikasleak Harrobiako Areto Nagusira konbokatu genituen LH Dualaren inguruan informazioa emateko. Dualeko prestakuntzaren koordinatzailea den Nagorek planaren ezaugarri nagusiak azaldu zizkien eta ikasleen zalantzak argitu zituen.

Ordaindutako 1100 ordutako esperientzia lortzeaz gain ziklo bukaerako nota igotzeko aukera dute plan honetan parte hartzen duten ikasleek.

Aurten 4 neska eta 8 mutil dauzkagu duala egiten: Informatikako 1, 3Dko 2, Marketineko 4 eta kiroleko 5. Emaitzak onak dira baina hobetzeko esfortzua egingo dugu.

Confebask-ek antolatutako ENPRESA&LH ekitaldian parte hartu du Harrobiak

Confebask-ek antolatutako ENPRESA&LH ekitaldian parte hartu du Harrobiak

Abenduaren 4an (asteazkena), 2018-2019 ikasturtean Lanbide Heziketan titulatuei Lantokiko Prestakuntza Kurtsoaren diplomak banatu zizkien Confebaskek Bilboko Euskalduna Jauregian.
Eduardo Zubiaurre-k, Cristina Uriarte-k eta Eduardo Aretxaga-k 26. ekitaldiaren ongi etorria egin ondoren Roberto García (Electro Alavesa) eta Mikele Uranga (Egile Corporation), Lanbide Heziketako ikasleak, haien esperientzia kontatu ziguten.
Harrobiako Informatika eta Kirola zikloetako ikasleek parte hartu zuten LH Dualeko, Erasmus+ planeko eta LPK-ko diplomak jasoz.
Zorionak eta eskerrik asko Aingeru, Jon, Goienetxea, David, Imanol, Alejandro, Markel, Oier, Asier eta Noelia zuen kolaborazioagatik!

Euskararen nazioarteko eguna 2019 Euskararen nazioarteko eguna 2019 Euskararen nazioarteko eguna 2019
Kaixo!
Laguntzarik nahi?
Kaixo! Ez zaitez zalantzekin geratu, laguntzeko prest gaude.